Kaegõ-ks, kaegõ’ sedä karavuuta,
teke-ks, teke’ sedä heiko-leikot.
Kara-ks, karavuuda kaemine,
Heiko-ks, heiko-leiko heitemine.
Tulgõ-ks Jaani-ti-tulõlõ,
tulgõ-ks Piitre-ti-pidolõ.
Tulgõ-ks noorõ’, tulgõ näio’:
noortõ-ks illo ihatassõ,
noortõ-ks tantsu tahetassõ.
Koh õks laulva’ näio’ noorõ’,
siidi-ks-pää’ leelotasõ’,
sinnä-ks tuvi tarrõ tulõ,
liblik lindäs põrmandulõ.
Koh õks laulva’ naase’ noorõ’,
linikpää’ leelotasõ’,
sinnä tungõl tarrõ tulõ,
hüdsi hüürdüs põrmandulõ.
Helmine, CD 1999, nr 9 < Mikitamäe - Vaike Sarv, Žanna Pärtlas, Jaan Tamm < Veera Lunda, killõ Olga Luga, Helmine (1998).