Kõokõnõ, tammõkõnõ

Kõokõnõ, kõo- nu -kõnõ, tammõkõnõ,
vaher valgõ, vaher nu valgõ puukõnõ,
alta juurta, alta no juurta vesi joosi,
päältä latvu, päältä nu latvu päivä paisti (~paistsõ),
kasvi tammi, kasvi siis (~jo) tammi taivahe,
vaher valgõ, vaher nu valgõ pilve mano (~pääle),
kiä lätsi (~tammõlt), kiä läts´ tammõlt taivahe,
näio tammõlt, näio läts tammõlt taivahe,
vahtralt valgõ, vahtralt läts´ valgõ pilve pääle.
Mille näio, mille läts´ näio taivahe?
Mõtõl´ kuud, mõtõl´ tä kuud kosilasõs,
päivä meestä, päivä nu (~jo) meestä meelelidses (~meelelises).
Saa-as´ kuust, saa-as´ täl kuust kosilaista,
pääväst meestä, pääväst saa-s meestä meelelistä.
Kuu oll´ kummõr, kuu oll´ kummõr, sis oll´ kuri,
kuu oll´ tsirpi, kuu oll´ tsirpi, sis oll´ terräv,
päiv palot´, päiv ar palot´ näio palgõ,
kulõht näio, kulõht ar näio kulmukõsõ.
Tahtsõ taivast, tahtsõ tä taivast tagasi,
saa-as taivast, saa-as tä taivast tagasi,
pilvelt maalõ, pilvelt saa-as maalõ maa pääle.
Tammi-ks murrõh, tammi oll´ murrõh (~murrõl) murdunu,
vaher vette, vaher oll´ vette vaonu.
Määne-ks murõh, määne no murõh murd´ tammõ,
kohe-ks vette, kohe nu (~jo) vette vaiu vaher?
Ime-ks murõh, ime no murõh murd´ tammõ,
silmä-ks -vette, silmä nu (~jo) vette vaiu vaher.

ERA, DH 218 (12) < Värska - Vaike Sarv, Kari Hakala < Leiko: Anna Kõivo (eeslaul), Jekaterina Lummo, Mari Raudla, Liidia Lind, Jevgenia Sui, Jevdokia Aelas, Jekaterina Sai, Maria Rõžikova (1990 Värskas).
Laul punktinoodi lehel ja Leelokooli lehel