Mõrsjaikk

Maamakõnõ, mu armakõnõ,
kallis kull´a maamakõnõ, või kaligo!
Lähene ….. ma sullõ lähkohe,
kurval meelel ….. ma saista kottalõ.
Sullõ jovva_i ma jalga kumardõlla,
mar´akõnõ joht maalõ pain’tõlla.
Kumarda(-a), nii kumalõ jää,
maalõ heidä, nii maalõ jää!
Üles nõsõ_i ma ilma nõstmaldaq,
ülest astu_i imp av’tamaldaq.
Sullõ kallu ma kaala ümbrele,
sullõ oiu ma olgõ nõalõ.
Kaossi_ks ma su kaala ümbrelle,
upussi su olgõ nõalõ!
Süä_ks ommõ mul süväste haigõ,
meelekene om ladvani lahki.
Mille naksit ti minno andmahe,
mille naksit ti varra valm’stama,
kas tiiä_s sa, ime, mu ikä,
vanõp, tiiä_s kas latsõ vanadusta?
Ammuq olõ_s joht tuu aokõnõ,
toonaq oll´ tuu tunn´kõnõ,
põllõ seeh sa veide põllo pääle,
rüpü seeh sa veide rüä manoq,
sinnäq pannit sa kõivo kiikuma,
vaahtrõhe sa pannit vaakuma.
Kõiv ommõ viil kar´avitsakõnõ,
tuu vaher viil ommõ väikene.
Nii olõ ma noori nä’okõnõ,
õga taha_i ma mehele minnäq,
õga taha_i ma kaasal kaldudaq.
Näio olõ ma noori nä’okõnõ,
õga mõista_i ma mehega elläq.
Maamakõnõ, mu armakõnõ,
kallis kull´a maamakõnõ, või kaligo!

ERA, DH 218 (13) < Värska, Nedsaja - Vaike Sarv ja Kari Hakala < Jekaterina Lummo, eestütleja, Maria Raudla, killõ, Liidia Lind, Jevgenia Sui, Jevdokia Aelas, Anna Kõivo, Jekaterina Sai, Maria Rõžikova (1990).