Imeline koda

Tulli üles hummogulla, siidi-liidi,
lätsi ussõ kaemahe,
ussõ tsõõri moro pääle.
Kuuli helme helinätä,
kaalarahho kahinata.
Lätsi hillä hellü piti,
kullõldõh kummo piti,
Johtu tuulõ talolõ,
essü tuu(hõ) elämiste,
koh oll´ kuu korstna otsah,
ago akna lavva pääl.
Näio kambrõh kangast kudi,
koie kangast kumakista,
kaasalõ kaalakirju,
peio peen´o hammit(a).

RKM, Mgn. ER 47 (5) < Põrste k - Vaike Sarv, Jaan Sarv < Veera Pähnapuu, snd 1916 (eeslaulja), Maria Vanamets, snd 1919 (killõ), Pelageja Vanamets, snd 1917, Anna Orehhova, snd 1919, Linda Helü, snd 1941 (1983).
Laul punktinoodi lehel

Pikem variant

Tulli üles hummogulla, siidi-liidi,
varra inne valõgõta.
Lätsi vällä kaemahe,
ussõ tsõõri moro pääle.
Miä-ks kuuli kullõldõnna,
miä-ks kaie kaetõnna?
Kuuli-ks helme helinätä,
kaalarahho kahinata.
Lätsi-ks hillä hellü piti,
kullõldõh kummo piti,
lätsi-ks tinast teedä piti,
ravvast tiirata piti
kuu valul, ao valul,
ime hellä helmi valul,
sõsaridõ sõlõ valul.
Johtu tuulõ talolõ,
essü tuuhe elämiste,
koh oll´ kuu korstna otsah,
ago akna lavva pääl.
Näio kambrõh kangast kudi,
kudi kangast kumakista,
kaasalõ kaalakirju,
peio peen´o hammita.

Veera Pähnapuu kassett “Setu lauluema”, 1989, nr 12. Koostanud Vaike Sarv.