Jaanilaul. Hainalaul

Jaani-, jaani-jallõ-kõnõ vai mehekene,
Piitre, Piitre jallõ peenü poisikõnõ.
Tulgõ’ ti küll jaanilõ tulõlõ,
tulgõ’ piitere pinolõ,
tulgõ’ siiä, toogõ’ puida,
saagõ’ siiä, saagõ’ hagu.
Piitre, peenü poisikõnõ,
ar´ ti toogõ’ toomõpuida,
ar´ti saagõ’ saarõpuida,
saarõpuilla sau mõru,
toomõpuilla tuli vihas.
Toogõ’ hüvvi ti kõivopuida,
toogõ´ pehmit ti pedäjäpuida.

Tulli, tulli jallõ suuri suvõkanõ,
hal´as, hal´as jallõ hainaaokanõ.
Vel´e-, vel´e-jallõ-keistä noorõkõista,
imelasta helläkeistä.
Ommõ-ks vell´o meil tüüline,
tüüline, hoolõline,
läpe- i iks ta üüdä maada’,
läpe-i pitä’ pikkä unda,
inne päivä haina niidi,
kastõ aol kaari kääni,
ilmal iks palaval palasi,
kui jäl helget´, ümbre heedi,
lõunõst iks rukka panni,
kuuvalul kuhja lõiõ.

EKRK, Fon. 89 (a10) < Rõsna k. – Udo Kolk < Elena Laanetu, 66 a., Maria Kägovere, 41 a., Senni Kadastik, 42 a., Alla Hade, 53 a. (07.07.1975). Hainalaulu sõnad: H II 4, 369 (154) < Vilo v., Ugareva k. - Joosep Hurt < Kriisa Kati (1886)
Laul punktinoodi lehel