Kitsõlaul

Ooda’, ooda’, kits, kits,
ooda’, ooda’, kits, kits,
Küll ma sullõ soe lövvä,
küll ma sullõ soe lövvä,
Õga susi kitsõ-i süü’,
kitsõl olõ-i kiiltä, miiltä,
sikal olõ-i silmi sarvi
Ooda-ks, ooda’, susi, susi,
ooda’, ooda’, susi, susi,
Küll ma sullõ-ks rahva lövvä,
küll ma sullõ rahva lövvä
Õga rahvas sutta-i hae’,
õga susi kitsõ ei süü.
Kitsõl olõ-i kiiltä miiltä
sikal olõ-i silmi sarvi
Oodaks ooda rahvas rahvas,
küll ma sullõks kahru lövvä
Õga kahr rahvast murra
…
Ooda, ooda kahõr, kahõr,
küll ma sullõ tulõ lövvä
Õga tuli kahru ei paloda’
…
Ooda’, ooda’ tuli tuli,
küll ma sullõ vii lövvä
Õga vesi tuld ei vala
…
Ooda’, ooda’ vesi, vesi,
küll ma sulle härä lövvä.
Õga härgä vett ei juu
…
Ooda’, ooda’, härg, härg,
küll ma sullõ tammõ lövvä.
Õga tammi härgä ei tapa’
…
Ooda’, ooda’, tamm, tamm,
küll ma sullõ kirvõ lövvä.
Õga kirvõs tammõ-i rao
…
Ooda’, ooda’, kirvõs, kirvõs,
küll ma sullõ kivi lövvä
Õga kivi kirvest rao-i
…
Ooda’, ooda’, kivi, kivi,
Küll ma sullõ vagla lövvä
Õga vagõl kivvi-i aja-i
…
Ooda’, ooda’, vagõl, vagõl,
küll ma sullõ hauka lövvä.
Õga haugas vakla ei süü’
…
Ooda’, ooda’, haugas, haugas,
küll ma sullõ püssü lövvä.
Õga püss haugast tapa-i
õga haugas vakla ei süü,
õga vagõl kivvi-i aja,
õga kivi kirvõst rao-i,
õga kirvõs tammõ ei rao,
õga tammi härgä-i tapa’,
õga härgä vett ei juu,
õga vesi tuld ei vala’,
õga tuli kahru-i paloda,
õga kahr rahvast murra-i,
õga rahvas sutta-i hae’,
õga susi kitsõ-i süü.
Kitsõl olõ-i kiiltä, miiltä,
sikal olõ-i silmi sarvi.

RKM, Mgn II 2242 e < Mikitamäe k - Herbert Tampere < Olga Ohtla, 68 a ja koor (1972).