Marja minek. Martini Iŕo

Tulli üles hummogulla,
varra inne valgõta.
Miä-ks tüü oll´edimäne,
kua huul´ oll hummogulla?
Sorrõ suu mõskõminõ,
käpe jala kängimine,
pääle pää sugiminõ.
Mõsi-ks ma suu, suie pää,
suie pää sorõhõhe,
känge ala aujalaq,
pääle pikäq pääväjalaq.
Nägünese-ks kuulunõsõ,
kohe sys iks naka minemähe,
kabokõnõ kallumahe?
Lää-ks marija mäele,
sinililli liiva pääle,
lää-ks orgo ubinahe,
mäe pääle pähkenähe.
Lätsi ma-ks, neio, tükü tiidä,
tükü tiidä, pala maada.
Sai-ks ma tuu mäe pääle,
keeri tuu kingo pääle,
koh oll´ küdsänüq kütseq mar´aq,
palan(uq) palohkaq vereväq
ilma-ks kuu kuuldõmalda,
pääle päävä paistõmalda.
Kae-ks ma, kae meelestäni,
neio, meele poolõstani,
esi ma-ks korssi, esi kuugi,
lasi ma-ks vakka, esi lauli:
“S´oo-ks imeh ilma päällä,
rahva naaru maa päällä,
õt iks siih küdsiq kütseq mar´aq,
palliq palohkaq vereväq
ilma kuu kuuldõmalda,
pääle päävä paistõmalda!”
Vasta-ks kuugiq kuivaq kuusõq,
lauliq ladvalda pedäjäq:
“Näiokõnõ sa-ks noorõkõnõ,
noorõkõnõ-ks, nõrgakõnõ,
selle um siih iks kütseq mar´aq,
palanuq palohkaq vereväq:
kui-ks eelä kotoh olliq,
virvekese velitsille,
kui tull´ sys~tulli õdagukõnõ,
kui-ks veere vilukõnõ,
küläh olli-ks pall´o neiokõisi,
liiga linahiussita,
kui-ks kokko ti kogosiq,
kui-ks parki panõhtugi,
ärä-ks ti lauliq ilosahe,
ärä-ks ti kuugiq kumõhõhe,
siiäq kuuldu ti kumu,
siiäq helü teil heräsi,
selle-ks kütsiq kütseq mar´aq,
palliq palohkaq vereväq
ilma-ks kuu kuulmalda,
pääle päävä paistmalda.
Viländ saa-ks suvõsta kor´ada,
viländ talvõst taadõ panda!

Viis: Martina Iŕo (eeslaul ja ?killõ), Miko Oďe (torrõ). Salvestas Armas Otto Väisänen Obinitsas 1922. SKS, Fk 79, 6 (4. laul).
Sõnad: Marja minek (siin on osa pikemast laulust). Setukeste laulud 1897. H, Setu 1903, 566 (77) < Kolovinna k. - Jak. Hurt < Martini Iŕo (1903). Pikem tekst https://www.folklore.ee/rl/pubte/ee/setu/laul/laul3/h/12.html
Laul punktinoodi lehel