Mere kosilased

Mõsi-ks, mõsi nu mõõlu veereh,
känge jalgo-ks nu kääro veereh.
Määne meesi säält merest tulli,
määne kaasa tull´ kalajärvest?
Raudameesi nu merest tulli,
raudakaasa tull´ kalajärvest.
Tulõ’ mullõ-ks sa näiokõnõ,
(kallu’ mullõ sa kabokõnõ!)
Lää-äi sullõ-ks ma ravvatsõlõ,
ma lää maa (küll) kündijäle,
musta-ks mulla no pöörijäle.
Mõsi, mõsi no mõõlu veereh,
känge jalgo ma kääro veereh.
Määne meesi säält merest tulli,
määne kaasa tull´ kalajärvest?
Kuldameesi säält merest tulli,
vaskikaasa tull´ kalajärvest.
Tulõ’ mullõ sa kullatsõlõ,
vala’ mullõ-ks sa vasitsõlõ!
Lää-äi sullõ-ks ma kullatsõlõ,
vala-i sullõ-ks ma vasitsõlõ,
Ma lää maa- küll -kündijäle,
musta mulla lää pöörijälle.
Mõsi, mõsi no mõõlu veereh,
känge jalgo sääl kääro veereh.
Määne meesi säält merest tulli,
määne kaasa tull´ kalajärvest?
Musta meesi säält merest tulli,
musta kaasa tull´ kalajärvest.
Tulõ’ mullõ sa mustal mehel(?)!
Sullõ-ks lää maa- ma -kündijäle,
musta mulla lää pöörijäle.

RKM, Mgn II 2314 a < Obinitsa k < Ignase k - Ingrid Rüütel < Hemmo Mast, 72 a ja koor (1972). Laulu sõnad kirjutas salvestuselt Triinu-Liis Tarros.
Laul punktinoodi lehel