Roosi istus vangitornih

Roosi istus vangitornih,
aig om ikäv uuta’.
Kedä näie kõndivat
sääl müüdä mereranda?
Papa näie no kõndivat
sääl müüdä mereranda.
Kallis papa, nu armas papa,
lunasta mind väll´ä.
Mingas minä lunasta,
ja~kui mul õi olõ rahha?
Kallis papa, armas papa,
kotoh ommõ’ kolmi musta.
Kallis papa, armas papa,
panõ üts´ sääl panti.
Mustast saa mul eloaost,
Roosi täämbä hummogust.

Roosi istus vangitornih,
aig om ikäv uuta’.
Kiä näi müüdä kõndivat
sääl müüdä mereranda?
Mamma no müüdä kõndivat
sääl müüdä mereranda.
Kallis mamma, armas mamma,
lunasta Roosi väll´ä.
Mingas ma jo lunasta
ja mul õi olõ rahha.
Kotoh ommõ’ kolmi lehmä,
panõ üts´ sääl panti.
Lehmä-ks saa mul eloaost,
Roosi täämbä hummogust.

Roosi istus vangitornih,
aig om ikäv uuta’.
Kedä näie kõndivat
sääl müüdä mereranda?
Sõsard näie kõndivat
sääl müüdä mereranda.
Kulla sõsar, kuku sõsar,
lunasta mind väll´ä.
Mingas ma jo lunasta
kui mul õi olõ raha?
Kotoh ommõ’ kolmi sõrmust,
panõ üts´ ärä panti.
Sõrmust saa mul eloaost,
Roosi täämbä hummogust.

Roosi istus vangitornih,
aig om ikäv uuta’.
Kiä näi müüdä kõndivat
sääl müüdä mereranda?
Peigmiist näie kõndivat
sääl müüdä mereranda.
Kulla peigmiis, kuku peigmiis,
lunasta mind väll´ä.
Mingas ma jo lunasta
ku mul õi olõ rahha?
Kotoh ommõ’ kolm maja,
panõ üts´ ärä panti.
Inne jää ma majast ilma,
kui ma umast Roosikõsõst,
Roosit saa mul eloaost,
maia täämbä hummogust.

Miko Oďe (eeslaul), Anne Leigri (killõ), Taarka (torrõ). Salvestas Armas Otto Väisänen 1922. a. Soome Kirjanduse Selts KRA, FON A. O. Väisänen 1922:34; SKS KRA Fonokop 82:6. Sõnu on lisatud ERA II 80, 118/20 (90) põhjal.
Laul punktinoodi lehel