Vihtamineku laul

Ammu-ks näiokõsõ noorõkõsõ,
    ammu, näiokõsõ noorõkõsõ, ammu-ks lääme vihta vinelä,
    ammu lääme vihta vinelä,
ammu_ks lääme luuda’ga mi lootsikolla,
    ammu lääme luuda lootsikolla.
Oo-ks külänäio’ õks no noorõkõsõ’,
    oo külänäio’ noorõkõsõ’,
oo-ks au liina ka linnukõsõ’,
    oo au liina linnukõsõ’,
teele ma küll ütle ka nüüd üle hulga,
    teele ma küll ütle üle hulga,
teele kjul kõiki ma kõnõlõ,
    teele kjul kõiki ma kõnõlõ.
Oo-ks lõigaku-iõ õks ti ossakõista,
    oo lõigaku-iõ ti ossakõista,
oo kaksaku-iõ õks ti kasvokõista,
    oo kaksaku-iõ ti kasvokõista,
sis õks lätt nu kõivo õks nu kõllatsõsta,
    sis lätte kõivo kõllatsõsta,
kago sis õks vaher iks ka vanast lätte,
    kago sis vaher vanast lätte.
Oo külänäio’ oo_ks ti noorõkõsõ’,
    oo külänäio’ ti noorõkõsõ’,
oo-ks auliina õks ti linnukõsõ’,
    oo auliina linnukõsõ’,
siih õks laula kunnu õks mi kottalla,
    siih laula kunnu kottalla,
mõtsa-ks siih mi veereh veerätele,
    mõtsa õks mi veereh veerätele.
Linnukõsõ’ nakasõ’ kõik leelotamma,
    linnukõsõ’ nakasõ’ leelotamma,
hääle-ks kjule perrä õks tuu höste laulva’,
    hääle kjule perrä höste laulva’,
kurgi-ks sis perrä õks meid kummardõlõ,
    kurgi sis küll perrä kummardõlõ,
piho-ks kjule perrä õks küll pikä viil lauli,
    piho kjule perrä pikä lauli.
Mõtsa panõ linnu’ õks kõik leelotama,
    mõtsa panõ linnu’ leelotama,
kuusõ’ kjule meidä õks no kummardasõ’,
    kuusõ’ kjule meidä kummardasõ’,
lepä’ kjule meidä õks no leelotasõ’,
    lepä’ kjule meidä leelotasõ’.
Oo-ks no jaanituli iks no saanituli,
    oo jaanituli, saanituli.
Lääme õks mi tuvi’ iks no tulõ küll mano,
    lääme kjul mi tuvi’ tulõ mano.

Anne Vabarna ja koor, koguja Herbert Tampere 1934 (ERA, Fon 431 a). Sõnad ja viisivariandid ka Anne ja Ode Vabarna, Ton´a k. Kogujad Selma Lätt ja Aino Strutzkin 1959 (RKM, Mgn II 323 a).
Laul punktinoodi lehel